Inzego z’umutekano za Uganda kuri uyu wa 30 Ukuboza 2020 zongeye guta muri yombi umukandida Robert Kyagulanyi (Bobi Wine) wiyamamariza umwanya w’Umukuru w’Igihugu.
Byabereye mu muhanda uri mu Karere ka Kalangala, aho uyu mukandida yari agiye gukomeza ibikorwa byo kwiyamamaza.
Nk’uko ushinzwe gukoresha imbuga nkoranyambaga yabitangaje; itsinda ry’abafasha Bobi Wine na ryo ryafunzwe ryose, itangazamakuru ribuzwa gukurikirana iyi nkuru.
Bobi Wine yaherukaga gutabwa muri yombi tariki ya 18 Ugushyingo 2020, ubwo yaziraga guhuriza hamwe umubare w’abantu barenze abemerewe kwitabira igikorwa cyo kwiyamamaza, ku buryo byashyira ubuzima bwabo mu kaga ko kwandura icyorezo cya Covid-19.
Kuri iyi nshuro, ntacyo inzego zishinzwe umutekano ziratangaza ku itabwa muri yombi rye n’impamvu yaba yatumye ribaho.
