Phillip Frank Panzica umusore ukomoka mu mujyi wa Houston na Chloe Scordianos ukomoka mu mujyi wa New York batawe muri yombi n’inzego z’umutekano nyuma yo kubabona barimo gusambanira mu muhanda mu gihe kigera mu minota 30.
Uyu musore n’umukobwa bari basanzwe bakundana, bakaba baratamajwe na Camera zo ku muhanda biba ngombwa ko abapolisi bashinzwe kureba ihita kuri izo Camera bajya kubata muri yombi.
N’ubwo bwose bakozweho na Camera, ngo hari n’abandi bantu bari bari mu modoka bababonye bakora icyo gikorwa cyamaze iminota 30 babafata video bakoresheje telefone igendanwa.
Ku wa Gatanu tariki ya 5 Gashyantare 2016, nibwo Phillip n’umukunzi we Chloe batawe muri yombi.
Umucamanza wo mu mujyi wa Las Vegas washyizweho muri Werurwe umwaka ushize yatangaje ko urubanza ari urucamwana ndetse ko bitazaba ngombwa ko ababurana bazafatirwa ibihano hitabajwe abagabo, ko bazahita babakatira ibihano nta yandi mananiza.
Ibi byatangajwe n’uyu mushinjacyaha ntabyemeranyaho na Chris Rasmussen umunyamategeko uhagarariye Chloe Scordianos, kuko we avuga ko umukiriya we ibyo yakoze byo gusambana ari uburenganzira bwe bwo gukora icyo ashaka, ko ibyo ari nko kumwinjirira mu buzima.
Phillip Frank Panzica na Chloe Scordianos basambaniraga mu modoka ariko ifite ibirahure bibonerana, gusa amashusho yabo yafashe na camera zo ku muhanda ndetse n’ababafashe bakoresheje telefone, yose ntabwo yashyize hanze nk’uko bitangazwa n’ikinyamakuru “New York Post” dukesha iyi nkuru.
Kanda hano ujye ubona amakuru yihuse kandi kugihe kuri Facebook no kuri twitter
Théoneste@Bwiza.com
