Umuyobozi w’inyubako ibikwamo imirambo izwi nka ‘morgue’ mu bitaro bikaba n’ishuri bya Harvard Medical School, yatawe muri yombi hamwe n’abandi bantu batatu bazira kugurisha bimwe mu bice by’imirambo.
Uyu mugabo witwa Cedric Lodge, CBS News dukesha iyi nkuru ivuga ko yacuruza bimwe mu bice by’imirambo harimo: umutwe, ubwonko ndetse n’amagufwa yakuraga muri ubu buruhukiro.
Mu kirego cyatanzwe n’ubushinjacyaha, buvuga ko Cedric hamwe n’umugore we Denise bagurishishe kuri interineti bimwe mu bice by’imirambo.
Abashinjacyaha bavuze ko Cedric yakoresheje ububasha afite nk’umuyobozi, bituma agurisha ibyo bice by’imirambo.
Ibi Cedric arashinjwa kubikora guhera muri 2018 kugeza muri 2021.
Bagabo John
