Mu gace ka Bettiah mu Ntara ya Bihar, mu Majyaruguru y’u Buhinde, umwana w’umwaka umwe gusa witwa Govinda Kumar yakoze igitangaza ubwo yarumaga inzoka ya cobra, ihita ipfa ako kanya.
Byabaye ubwo uyu mwana yari ari gukina mu rugo, inzoka imwizengurutsa ku maboko. Ababyeyi be bagize ngo bamurokore, basanga yamaze kuyiruma. Nyuma yaho yahise agwa igihumure ajyanwa kwa muganga.
Abaganga bavuze ko ubumara bw’iyo nzoka bwari buke ku buryo bwamuteye gusa igihumure, ariko ubu ameze neza kandi ari kwitabwaho n’itsinda ry’abaganga.
Cobra ni imwe mu nzoka zica abantu benshi mu Buhinde buri mwaka, ndetse mu myaka 20 ishize, habaruwe abarenga miliyoni bapfuye bazize kurumwa n’inzoka.
Abaturage basabwa kwitwararika no kwihutira kujyana umurwayi kwa muganga igihe arumwe n’inzoka, kugira ngo ubuvuzi ahabwe ubuvuzi.
