Imirwano yongeye gusubukurwa muri iki gitondo cyo kuri uyu wa Gatatu hagati y’inyeshyamba za AFC / M23 n’inyeshyamba za Wazaledo zo mu ihuriro ry’imitwe iharanira impinduka (CMC) i Kalonge, mu gace ka Banamulema (Gurupoma ya Kisimba), muri Teritwari ya Walikale, muri Kivu y’Amajyaruguru.
Amakuru aturuka muri ako gace avuga ko Wazalendo ari yo yagabye igitero mu mudugudu wa Ngerere, mu gace ka Iremya (Gurupoma ya Ikobo), umudugudu wigaruriwe na AFC / M23 ku wa Mbere ushize.
Aya makuru agera kuri 7sur7.cd yerekana ko uyu mudugudu n’umusozi w’ingenzi wa Rushihe uherereye hagati ya Katobo na Mbukuru, muri Gurupoma ya Kisimba byafashwe na wazalendo kuri uyu wa Gatatu, 28 Gicurasi mu gitondo.
Aya makuru yemejwe n’inzego z’ubuyobozi n’umutekano muri Walikale yongeraho ko imirwano igenda yegereza Rusamambu aho urusaku rw’intwaro ziremereye n’izoroheje rwumvikana nko mu birometero 4 uvuye muri uyu mujyi.
Abayobozi b’inzego z’ibanze bavuga ko wazalendo igerageza kwigarurira imidugudu ya Rusamambu, Bukumbirwa, Kishonjia na Kilambo, muri Gurupoma ya Ikobo, yigaruriwe n’inyeshyamba za AFC / M23.
